( بنت بنوت )
انا بنت بنوت
ولسه جوازى
عندية شقية
ساكنة ف بروازى
ودى صورتى قديمة
من يوم اللفة
مليانة جمال
وشقاوة وخفة
وكبرت قوام
كفروع الشجرة
اسهر وافكر
وتعدى السهرة
ف دموع وعذاب
وصعبة الفترة
والعقل تمللى
مشغول ف جوازى
هتجوز امتى
النهاردة يا بكرة
وهتجوز مين
واحد م الحتة
قهوجى و يوماتى
من خمسة لستة
او يمكن صايع
بيبيع بلابيع
واسمه ابو سريع
بينام ف كرتة
ويمكن سباك
بيربط مواسير
او واد موان
بيبيع مسامير
ومالوش عنوان
بيلف كتير
او واد حلاق
دايما" مشتاق
لمقصه ومشطه
وماسكه خطير
وانا لو طنشته
وروحت الكوافير
يحلاقلى حلاقة
ميرى وتوفير
وجهازى منين
من عبد الرحيم
والشقة ف روكسى
والا ف بلطيم
وازازى هتجوز
وشبابنا دة ضايع
بيلف ورافع
بانجو و براشيم
وانا عندى رسالة
مصر ام الدنيا
ولدت رجالة
جوة السيالة
معهاش مليم
وكمان محتاجة
معاينة و ترميم
بقلم/ هانى السيد
من وحى اللحظة
8/1/2016
ليست هناك تعليقات:
إرسال تعليق