( حصان الحلم )
احمد صبري
-
من غير حصان الحلم
قلبي ماشي خطوته
مشهد حزين من فيلم
معرفش إيه اخرته
والبطل مكسور سنة
ضايعة منه قوته
صوته مش واصل هنا
والسكات بيموته
-
كلام وقبل ما يبتدي
انتهى زي الاحلام
ايامي بكتب غنوتي
ولا فيها كلمة غرام
وحرام ولا حلال
اعيش على اوهام
راضي بكل حال
متعود ع الالام
-
مهما يغيب الربيع
دي دنيا دايرة ارضها
ناس بتغش وبتبيع
وناس بتاكل بعضها
دي حياتي وقصتي
احلى مافيها إنتها
بهمي قلبي بيتلهي
ولازم ابقى ادها
-
هعاند واشد الحبال
اي حد مايهمنيش
لازم على اي حال
اكون قادر اعيش
افكر بشكل جديد
مهما الحلم مابيجيش
ومهما الوجع بيذيد
عيوني ما تبكيش
ليست هناك تعليقات:
إرسال تعليق