( كلام في الفاضي )...
اوعاك تظن إنك إنسان
ليك قيمة او ليك مقام
او تظن إن ليك كيان
او حد يسمع لك كلام
انت تعيش زي الحيوان
عايش حياتك زي الخدام
0000000000000
عامل فاهم كل حاجة
وانت يدوب بس لسان
مهمتك تملى التلاجة
وتراضي اهل المدام
وإن حبيت تفتي ف حاجة
يبقى هجس واي كلام
عامل فاهم فيها زيادة
وانت يدوب حتة خدام
0000000000
عامل فيها ابن اصول
لابس متشيك كالعادة
آه لو خدك امين او صول
هتبل هدومك بزيادة
ما دوة زمن الناس دول
زمن القوة ما هي غابة
00000000000
عيش يا مواطن ربي عيالك
عيش واتهني باللي معاك
واحمد ربك على اللي جالك
واقنع نفسك إن انت ملاك
عيش خليك بس في حالك
واحمد ربك على الشباك
000000000000
تأليف / محمد عبدالعزيز دراز .. بنها .. قليوبية .. مصر
ليست هناك تعليقات:
إرسال تعليق