قصيدة
(عاشت دماغي مسـتـقـلـــه )
عاشت دماغي
مولعه مدلعه
رافضه الكلام . ..
ومهدله متكحوله
بهديل حمام
متبهدله ومولوله
علي ميت مقام
يا أهل السلام ....
هزوا دماغكم م القلق
روحوا إستعيذوا بالإله
من كل شيطان إتخلق
وخميسه . علي دار السلام
يا خلق هوه .. روحو إمسكوه
دا مفيش سلام
علي . مخ . لا بس ميت غلق ...
عاشت دماغي ف الهوا .
متعلقه بغبار ف ريح
زعابيبه . كبسولة دوا
ولبوسه . فايتة ف ميت ضريح
تنفخ ف فخده اللي إنكوي
وتبيض . فسيخ ..
منقوعه . شربة . مرقته
متلطعه . رطلين . ف سيخ
دوقوا بقي . طعم الهنا
وبعد .تكريعة . سنة
روحوا . إسمعوا الديك الفصيح ..
وأوعاكوا مره . ترقعوا سطرين كلام
خلص الكلام . يا أهل السلام
ومعدش ينفع . يطبع
أصل مخاضه ف الورق
شيء مش صحيح ..
يا كوز صفيح
ينفع تسقع ميتي
وتندي . علي خيبة أمل
وتشطف المخ اللي شايل
من مده تحويشة هبل
لو مش هترضي . تشربه
بلاش تسمه ف مشربه
خليه يعيش ..
لو حتي علي نعرة امل
دا حتي لـــو . أجله إنتهي
يمكن يكون له ف الأنام
قبلة ومقام
يمكن يكون له ف الأنام
قبلة ومقام .
للشاعر / محمد عبد الفضيل
27 / 4/ 2016
ليست هناك تعليقات:
إرسال تعليق