قصيدة
(نكسوا أعلام العروبه)
ذنب الوليد ده إيه
والدم مالي عينه
نقتل باسم الله
ندبح باسم الله
والغدر ماله إله
يتسمي أسمه بيه ....
مبسوطه يا عروبه
مسروقه منهوبه
عشقك دا أكذوبه
ندمني والله عليه ....
بنصلي والله لمين
هو أحنا بني أدميين
علشان نقوله آمين
ملعون ليوم الد ين
يا اللي تسلم بيه .....
صنم الاله مكسور
ومقامه عدي نحور
كرامتنا ليه بتغور
وجاي علينا الدور
متقولش نعمل إيه .....
خلينا كده قاعدين
والدمع نازل سيل
زي الولايا ف ليل
تندب . ف خد نحيل
الكحل مالي عينيه .....
بكره هييجي الدور
والعدل بينا يغور
يا عروبه أسدك ثور
ناطح بظلمه كتير
راكعين ليه وساجدين
ولسبحته حامدين
دا أحنا خساره فيه ......
روحوا نكسوا الأعلام
ما عدش يروي كلام
ما هي مصمصه وسلام
الظلم يصحي ساعات
والعدل نام أعوام
يا عروبه يا مسكينه
بعناك والله بكام
تمنك دا كلمه لأ
بعوج لساني وأطق
وتزيد عليكي النار
فمتسأليــش بشار
أنت بتظلم ليه .........
للشاعر / محمد عبد الفضيل
شبرا في 29/4/2016
ليست هناك تعليقات:
إرسال تعليق