مكالمه لشهيد
(بقلم أحمد هلال)
أنا نفسي ياماما أكلم بابا
ليا كتير ما سمعت انا صوته
بابا يابنتى راح على سينا
خايفه يابنتى لــــــ يرجع لينا
بس بموتـــــــــــه
أَجرى ياماما أرن له رنه
يمكن بابا يكون موجود
واسمع صوته بس شويه
يمكن قلبه يحن يعود
رنى يابنتى وربنا يستر
ربك برضه كريم موجود
الوووووووووو ..... الوووووو
أيوة ياعمو عاوزة انا بابا
أصله ياعمو وحشني كتيييير
قوله يابابا ليه ما رجعت
سيبتنى وحدى وسني صغير
طيب ثانيه وارد عليكِ
واكفف دمعك اوسيكِ
بابا ياحلوة ف مأموريه
راح بيحارب ناس ظالمين
ع البلاد وع القضية
ولا أقولك بس شويه
إسمعى منى وبلاش تبكي
بابا إستشهد فى الفجريه
قتلو يا بنتى ظالم طاغى
راح من بينا بطلقه غبيه
دى رصاصه كات جامدة قويه
إسمعى منى وأمسحى دمعك
بابا معانا عمره ما مات
بكرة الحق يجينا ويجري
مش راح ينفع تانى سكات
وإحنا معاكِ مش هنسيبك
وهنمسح دمعك من عينك
عيشى قويه وإرفعى راسك
كل الشعب كمان حراسك
ربك قالها كتير فى كتابه
شعب مرابط إيد مع إيد
وقالها كمان أنه ما مات
اللى لوطنه يبقى شهيد
وانتى يابنتى هتفضلي بنتى
وأشيلك فى نن عيونى
فرحك يوم عن يوم هيزيد
قولى يارب بس ارحم بابا
ضحى بروحه وقلبه سعيد
بقلمي / أحمد هــــــلال
ليست هناك تعليقات:
إرسال تعليق