(مصيبة)
انا كنت ناقص مصيبة
انا كنت ناقص جنان
طلعت مش حبيبة
طلع مالهاش امان
انا كنت عملت إيه
يا قلبي بختك مايل
وقليل الاصل ليه
بنبعت له رسايل
دا جاهل مابيقراش
الواطي ديما تحت
كتر م اللي ببلاش
يارب تكون إرتحت
مش عايز اشوفها تاني
ولا عايز اسمع صوتها
بايعة وكمان ظلماني
بقيت كاره وجودها
انا مش هزعل عليها
ولا اللي منها مني
ملعونة خسارة فيها
كلامي او حضني
راحت ومهما تروح
انا هاستغنى عنها
باب كدبها مفتوح
والعيب على اهلها
معرفش ايه فاكراني
انا ساعة وانساها
ياريت كمان تنساني
ضيعت وقتي معاها
غدارة بلا إحساس
ولا تستاهل عتاب
يكفينا شر الناس
يرزقها كل العذاب
مصيبة وقعت فيها
وانا مين يخلصني
بلوة إترميت عليها
يعين ربي يقدرني
الصبر جميل يا دنيا
ولكل شيء نهاية
اتمنى تاخدها داهية
تنهي معايا الحكاية
احمد صبرى
ليست هناك تعليقات:
إرسال تعليق