(نظره فإبتسامه)
بنظره دوبتي فؤادي
والشوق في عينيك بينادي
قلبي اللي كان مرتاح هادي
سحره الجمال اللي في خدك بادي
ودي إبتسامه مالهاش مثيل
علي شفايفك خلتني أميل
ولقيتني عاشق وما ليش بديل
غير إني أكون بهواك راضي
قربت ورميت السلام
وضاع في قربك مني الكلام
وكأني عايش في الأحلام
ودا حلم جميل وماهوش عادي
وردت عيونك عليا
حسيت بالفرح مالي وجودي
والدنيا بترقص حواليا
مديت إيدي تحضن إيديك
يا ورد وعطره مالي الوادي
وصبح ما بين قلبينا ميعاد
والحب ملك الروح والفؤاد
والشوق شغلني ودوبني
وكأني مفارق لبلادي
وأدي اللقا داوا الجروح
والكون لقيته كتاب مفتوح
فرحت عيوني وضاعت ظنوني
قولت اللي في قلبي وقدرت أبوح
والعمر إبتدا من الساعه دي٠
٠بقلمي٠عبدالستار جلال
ليست هناك تعليقات:
إرسال تعليق