( اْسف على إختياري )
احمد صبري
-
ياللي دخلتك داري
اْمنتك على اْسراري
طلعت صاحب خاين
اْسف على إختياري
-
قالوا الصديق بيعين
يصون لو كان اْمين
بيوفي طول السنين
يساعدني في قراري
لكن لو كان جبان
بيبيع ومالوش اْمان
ندل وماهوش إنسان
يخيب ظني واْفكاري
اْسف
على إختياري
-
فكرتك صاحب وصديق
واصلك كنت بتخبيه
طلعت رخيص ودنيء
ماعرفش ازاي و ليه
هسيبك خسارة عتابك
وقصيدة من اْشعاري
توصف سبب إجتنابك
ونهايتك من مشواري
اسف
على إختياري
-
عجبي على اْشكال
الغدر عشش جواهم
اغلطان عرفت عيال
شر شيطانهم غواهم
واللي بيسرق اْشعاره
وبيجرح حرمه جاره
ملعون ملعونة اْفكاره
مع خالص إختصاري
اْسف
على إختياري
ليست هناك تعليقات:
إرسال تعليق