قصيدة إتـــــــفــــائـــــــل
٠••••••••••••••••••••••••••••••••••
إتـفـائـل أيــوه إتـفـائـل
ليه بس تعيش مهموم
وأبعد عن أى مسائل
حوالينها سراب بيحوم
دا يخلِّى الصعب يعدِّى
والأسود يصبح وردى
والخوف معنوى أو مادِّى
بمواجهه يبات مهزوم
***************************
خدَّاعه الدنيا فى توبها
بتحاول تخفى عيوبها
غـالـبـاك تــقــدر تــغــلــبــهــا
لــو يــوم تـتـفـائـل يـــوم
إتــفــائــل أيـــوه إتــفــائـــل
ليه بس تعيش مهموم
***************************
دى بدايه لأى بدايه
وبلاش تعكس دى الآيه
خلِّيها تكون لك غايه
دا الحزن ماهوش بيدوم
إتفائل أيوه إتفائل
ليه بس تعيش مهموم
***************************
أفراحك تمحى جراحك
وتضم الكون بجناحك
و- ح يبقى تملِّى صباحك
مافيهوش للوهم غيوم
إتفائل أيوه إتفائل
ليه بس تعيش مهموم
.............................................
الدكتور/
خالد عبد الحميد خربوش
من ديوانى المعنون:
(ونصبت لنفسى الفخ).
ليست هناك تعليقات:
إرسال تعليق