(بطلت اتخان)
ماحبتكيش
علشان مافيش فيكي ولا
ذرة حنان
وعشان لقيتك واحدة خاينة
مالكيش امان
وانا من زمان
بطلت اتخان
ماحستكيش
علشان مافيش فيكي ولا
نقطة إحساس
إنسانة تافهة شيطانة عايشة
على شكل ناس
بلا اصل و إخلاص
واحدة كده وخلاص
اندم على ايه
غير اني عرفت اشكالك
وانا احبك ليه
جمالك زي اخلاقك
عندك مليون طريقة
تجرحي بيهم وتخوني
لكن دزر البريئة
مش هتصدق عيوني
انتي صفر على الشمال
انتي عندي متفرقيش
اتقطع بينا الوصال
ياللي في قساوتك مافيش
ماحبتكيش
هسيبك تاني لضياعك
ضيعي كمان
لا يمكن احن لخداعك
لو مهما كان
علشان بتوه انا لكن
لازم افوق
مقامك تحت ساكن
وانا اللي فوق
كل اللي زيك حواليكي
شبهك تمام
بايعك وبايع لياليكي
واسامحك حرام
حتى السماح فكرت فيه
وماتستهليش
كل اللي انتي بتعمليه
مايهزنيش
ماحبتكيش
ماحبتكيش
علشان مافيش فيكي ولا
ذرة حنان
وعشان لقيتك واحدة خاينة
مالكيش امان
وانا من زمان
بطلت اتخان
احمد صبري
ليست هناك تعليقات:
إرسال تعليق