( فضفضه )
أنا قلبى لما حكى
حكى كتير عنك
ولما جا واشتكى
خاف يشتكى منك
خدت عنيه ع البكا
من كتر سوء ظنك
ياقلبى ليه كلما
اجيبلها سيرتك
حاسس كإن الهنا
عاتب عليك منك
من كتر ما قد جنى
خللا الهوى ملك
أنا كنت عايش أنا
يا قلبى وف ضلك
يا قلبى ليه الأسى
هو اللى فاضلك
حتى الأمان عازف
مبقاش يآمنلك
ياقلبى بوح واشتكى
ريحنى من شكك
فضفض عشان ترتاح
أو ينقضى همك
(نبيل الوردانى)
ليست هناك تعليقات:
إرسال تعليق