بسم الله الرحمن الرحيم
بعنوان : طيف الخيال
كان يوم فى طيف زى الملاك هناك ورا الاحلام بينادى
قلب محتار فى الحب خيبان وقال الطيف
ياقلب يامتحير وفى الحب خسران
امتى راح تنتبه لعدل الميزان الدنيا
مهما تعيشها ميسيرك يوم للنسيان
لفرح فيها دايم ولاحزن فيها دايم
ديما مع الاوقات تتبدل الاحوال
يوم رايح ويوم جاى
يرد القلب على الطيف اللى زى الملاك
ياطيف الضمير اصبح فى الحياه
تعبان
والمسألة مش حب فى القلب خيبان
ولا حتى فرح وحزن من البعاد والتلاقى
المسألة انى تعبان وبتألم على نفس ما بتتكلم
على عقل محتار فى سراب على حال
فى الوحدة دايم يفكر فى مستقبل مجهول
والسنين بتفوت والعمر رايح فى عتاب
ياريتنى روحت يمين ياريتنى روحت شمال
يرد الطيف ياقلب مملوك لمالك الملوك
غلطان انك تعبان وقلقك على المستقبل
لازم مايكونش فى الحسبان لانه بين ايدين الله
واسأل نفسك سؤال مين فى البشر مستقبله
مضمون دى كلها انفاس معدودة فى الوجود
وربك بيعمل اللى عايزوه يكون وكل شيئ
بيتم بأمر صاحب الملكوت يقول للشيئ
كن فايكون وانتا كمان عليك دور
واوعى تنسى لكل مجتهد نصيب
اما عن فرحك وحزنك ف ده شيئ معلوم
فى الحياه مقسوم وقالها رب العزة فى اللوح المحفوظ
كل شيئ خلقناه بقدر ومن الحزن والفرح
لازم تدووق الاثنين سنة الحياه ومالها بديل
لان كل شيئ رزق وقسمة ونصيب
محمد خضر حسن رزق
ليست هناك تعليقات:
إرسال تعليق