( موال/عايزه ايه )
عايزه ايه منا يادنيا
بعد كل اللي خدتيه
من مكان لمكان واخدانا
متقوليلنا قصدك ايه
عايزه ايه
يا أم قلب حجر
قسوتك هزت جبال
كل شي فينا انكسر
حتى صوت الإحتمال
عايزه أيه منا تاني
بعد ماسرقتي الأماني
بعد ماجرحتي رحتي
ليه بتقولي راجعه ليه
عايزه أيه
تعبنا من السفر
تعبنا من الترحال
رضينا بالقدر
راضيين على أي حال
كفايه اسمعي قلوبنا
بتقول خلاص تعبنا
توهنا توهنا خوفنا
مش دا اللى تقصديه
سيبي كل غريب يروح
ليه بغشك تخدعيه
سيبي كل قلب يفرح
ناويه ليه تعذبيه
عايزه أيه
كلمات/نشأت إبراهيم
ليست هناك تعليقات:
إرسال تعليق