( هنتقابل )
و نحلف اننا تانى ما نبعد و لا نتفارق
من فى بعدك باكون غيرى
و كل الكون ماهوش فارق
باحسك فى اللقا جنة
فباتمنى
و الون دنيتى بيكى
باحس الضحكة جوايا على صوتها
و اقابل روحى ف عنيكى
و فى لقاكى
باطير بيكى
و نلمس نجمة عارفينها
و عاشقينها و عشقانا
بتتبسم على خدودنا
و تعزف لحن حكايتنا لدنيانا
و فى لقانا
باعيش مع سحرك الساكن
بدون لكن
و اهيم عاشق فى احضانك
و من همسك و انا لامسك
باكون نبضك ... و وجدانك
فهمى على
ليست هناك تعليقات:
إرسال تعليق