(احنا مش لوحدينا)
احنا مش لوحدينا كلمتها لية دايما وعلى طول
فى يوم اتمنى العمر يقصر ويوم تانى ادعى المولى انة يطول
عارف وشايف ومش صغير شبعان تقليد ومتربى على الاصول
حابك بالقراءن والسنة ونبينا محمد ااخر رسول
مش بالورقة والقلم ولا ابوها حساب
الاقى قلبى اتظلم واصرخ اقول كداب
بكدب انا روحى ومصدق الاحباب
يا ريتنى لا شفتك ولا عرفتك ولا دقتلك باب
ياريت كان بايدى الحب زى الموت
امر وفرض وغلاب
الموت هوهو واتعددت الاسباب
متلومنيش بالمنطق والله قلبى فى حبك داب
كل همى تكون جمبى ولجل الناس نكون اغراب
يلعن ابوها ناس يلعن ابوها دنيا
كفنى اشتريتوا خلاص ولا اكون لواحدة تانية
ولو العمر بيتحسب بالفرح يبقى معشتش فية ولا ثانيا
ما انتى حياتى وانتى روحى انتى عيونى من غيرك عميه
واية يفيد بعدك النظر واية لزمتها بس عنية
غير الدموع وابات موجوع لو اتغيرت لحظة عليا
عازرك ومقدرك وشايلك على راسى
بس غصب عنى دة شئ فوق احتمالى واحساسى
لو خيرونى بيك وبين اهلى وبين ناسى
عارف انت الرد فى الليل لية بتصبح ناسى
حبك معشش فيا واختلافى بينى وبينك اخلاصى
مش قادر اعمل مش شايفك مش قادر اكونلك قاسى
بس العيون فضاحة غلبت ادارى فيها
وعشان بس ارضيك عملتك تاج لراسى
استكتروك عليا ويتمونى فيك والله بالعاصى
لو بيدى وجودك اموت انا رغم انى مش عاصى
وحامد لربى ودارى النصيب استغفر الله العظيم
وبشهدك يارب على الناس
وطمعان فى انصافى
محمد الشاعر
ليست هناك تعليقات:
إرسال تعليق