( ماتزعليش )
احمد صبري
-
وقفتي كتير معايا
عملتي كتير عشاني
ولكل شيء نهاية
إرتاحي من احزاني
-
مش هنسالك حبيبتي
كام مرة كنت هضيع
وكنتي بتلاقيني
مش هنسى ان نتي
الكل كان بيبيع
ولوحدك بتلحقيني
-
كام مرة مسحتي دموعي
كام مرة بكيتي عليا
كام مرة كسروا ضلوعي
مشافتش غيرك عينيا
كان نفسي اسدد
لو شيء صغير
من جمايلك
سامحيني هبعد
من غير ما افكر
امتى جايلك
-
ولو ماجيش ماتزعليش
كفايا يا روحي ترتاحي
مايهمكيش إزاي هاعيش
لإمتى هتداوي جراحي
عشان بحبك حسيبك
وابعد حاضن عذابي
عارف اني حبيبك
وانتي كل احبابي
-
ماتزعليش مني
ماتتعبيش عشاني
انا من صغر سني
والدنيا مش سيباني
كل شيء حواليا
عليا واقف ضدي
وانتي روحي وعينيا
في قلبي يا نبضي
ليست هناك تعليقات:
إرسال تعليق