سنة جديدة
سنة جديدة و اجمل عيد
في حضنك قلبي متهني
وانا معاكي حبيتي اكيد
مفيش ولا جرح مستني
وهواكي ملاني حنان
عنك مين هايمنعني
انا شاعر انا فنان
بيعشق فيكي ويغني
-
حبيبتي الليلة بندهلك
بصوت مسموع
مفيش ولا حاجة تبعدنا
مفيش ممنوع
بحبك ايوه هاثبتلك
بكل وضوح
هيجمع حضننا بيتنا
عشقنا مسموح
-
سنة جديدة
ونفسي عمري اسعدك
سنة سعيدة
ديما هاحبك واوعدك
تعيشي ليا وتسلمي لي
وكل شوية تقربي لي
تقوللي كلامك السكر
وانا ادعيلك وتدعيلي
-
سنة جديدة
يا قلبي وعقلي وعنيا
سنة سعيدة
وربنا يخليكي ليا
انتي حياتي ونور عيني
عشقك كبير ومكفيني
انام عشانك ولا اسهر
قلبك معايا بيرضيني
بقلم الشاعر : احمد صبري
ليست هناك تعليقات:
إرسال تعليق