( قلب جريح )
فى شئ جوايا مش مفهوم
و لا واضح و لا مقرى
و لا باينة فى سطوره حروف
و لا واقف و لا بيجرى
و متعلق بحبل الخوف
و خانق روحى بزيادة
ضياع و هروب و ميت توهة
و قلب جريح كما العادة
بعيد جدا كما السردايب
ملان حيرة و كله غموض
بيتحدى خطوط روحى
و رافض اى شئ مفروض
واخدنى بعيد اوى عنى
و تايه فيه انا لوحدى
بيكبر كل يوم و يزيد
و شاقق فيا و معدى
كتير ياما حاولت اقراه
و اعافر نفسى يوم افهم
بالاقينى كما العاجز
و كل ما فيا متجهم
ليست هناك تعليقات:
إرسال تعليق