( فيش وتشبيه )
بيقولى يابن آدم
دارى عيوبك
وخليها فى الخفى
دانت يابن آدم
دونا عن الخلق
هو المصطفى
الملايكه ليها
الروحانيات ؛؛؛
وكفى
والحيوانات ماليهاش
غير المعيشه
والتناسل وفا
اما انت
من بين خلق الله
هتفضل مصطفى
طيب يا عم
ياللى بتنصحنى
ادارى عيوبى
انت عمرك
ما عملت فى حياتك
جفا ؟؟؟
يعنى عاوز تفهمنى
انى معيوب
وانت الصفا ؟
يا عم يا ناصحنى
تعالى نتكلم
ع الوفا :
اتحداك
لو كان عندك
معنى العفى
انت تقدر
تعفى عن غلطان
فى حقك بالكفا ؟
او تسامح
حد هز كيانك
واختفى ؟؟؟
انت جيت فى يوم
وقلت انا لازم
اسامح
او فكرت مره
تروح لعدوك
عشان تصالح
يا صاحبى
قبل ما تبص
على غلطتى ؛؛؛
شوف عيوبك انت
وغيرها للصالح
كل واحد فينا
ليه عيوب
ما بتنتهيش
وكل حى فى الدنيا
ليه ذنوب
مابتتنسيش
يبقى ليه
اعمل على شخص زيى
ريس او شاويش ؟؟؟
اكتفى بنصيحتك لحالك
وبلاش تعمل افيش
لو كل واحد فينا
فكر يغير عيوبه
وميكتفيش
راح نلاقى
الدنيا حلوه
وموش هنعرف
او نشوف
لا تشبيه ولا فيش
بقلم الشاعر : سامح ايليا
ليست هناك تعليقات:
إرسال تعليق