( الــــوطـــــن )
الوطن مش بس كلمة بتتكون من حروف
وألا ارض جمعتني بيها الظروف
الوطن سكن ودار
ونقطة نور في المدار
الوطن يحضنك .. لو خلت بيك كل الظروف
الوطن مش صورة متعلقة ع الحيطان
الوطن أهل وعزوة ... ولقمة م الغيطان
الوطن لما تتغرب وترجعله يضمك
وتلاقي فيه حنان وطيبة أمك
ولما تعشق بجد يبق حبك
ولما يحتاجك ترابة تفدية بدمك
الوطن .. ندى .. وأنت الورق المزهر ع العيدان
تقدر .. تقدر يا مصري تعيش من غير وطن ؟
تقدر تطلع جدودك بره التاريخ بره الزمن ؟
ده أنت عمرك محسوب بالآلاف
قبل الأهرامات والتوحيد وقبل الاختلاف
ده ميلادك كان بدء الكتابة والحضارة والسكن
مصر أصلك وجدرك كانت دايما في العلالي
محروسة من يومها حاميها ربك ذي الجلالي
ولادها من زمن مينا ... اســـود
صناع زراع .. فلاسفة .. وجنود
ونيلها في قلبي وتر .. على شطه بغني موالي .
بقلم الشاعر : عزالدين السري
ليست هناك تعليقات:
إرسال تعليق