( كفاية قساوة )
شعر : زينب سالم عامية
تقول بأحبك أصدقك
أشوف أمورك أستعجب
يا ناسي غرامك بأكدبك
لاني من كلامك بأستغرب
بتشكي من حبي و كاني بأعذبك
بأحبك صدقني ليه لحبي بتكذب
أقولك حاجة غلبتني بحبك
كفاياني ما انا كمان بأتعذب
سكتنا لسة ما مشيناها
حياتنا لسة ما بدأناها
و حكايتنا ياما قولناها
ليه كل ما تشوفني تعتب
حنانك لسة ما جربتوش
غرامك قولته ما صدقتوش
بتشكي من قساوتي
و قساوتك درس ما أتعلمتوش
قصادك أنا مهما تتلفت
حسادك هنا بالذمة هتسكت
احميني منهم و من قساوتك
خبيني بقلبك لأشوف غلاوتك
بيكفى اني هأفضل حبيبتك
جوايا حب كبير شايلاه لأفاجئك
بقلم الشاعرة : زينب سالم .
ليست هناك تعليقات:
إرسال تعليق