( انا مرايتك ) **بقلم الشاعر : احمد صبري

( انا مرايتك )

 

انا مرايتك
انا صورتك انا بدايتك
بتبكي دموعي تندهلك
تبتسمي عيوني تضحكلك
انا ليلك انا نهارك
انا عايش في افكارك
 

انا لما تكوني معايا
بتطلع كل اسرارك
انا دارك ومشوارك
اكتر منك بحبك انا
انا شطك وبحارك
 

وبقالي كام سنة وانا
بحبك قبل ما اشوفك
وبعشقك وانا شايفك
احضن نفسي بكفوفك
بتكلم من بين شفايفك
 

انا غنوة مشاعرك
لما بتنور حياتي
انا صوتك وشعرك
لما يوصف امنياتي
انا مرايتك اللي بتحبيها
 

انا حكايتك اللي حلمتي بيها
انا ياحبيبتي علشانك
كل حاجة نفسك فيها
انا صباحك وافراحك
 

انا حلمك وحراسك
انا زي الدم جواكي
بتنفس من انفاسك
انا مش عايش عشاني
انا بس بعيش عشانك
 

البحر ان كان حناني
الكون كله حنانك
انا سيرتك بالكلام
انا غيرتك م الهوا
ازاي نكون تمام
 

من غير منكون سوا
انا جايلك جوايا شايلك
اكتر منك محتاجلك
انتي مرايتي انتي روايتي
انا بحبك انا عايزك
انا مرايتك