( بحر الافكار)
سنين فى حبك بقاسى------- من ويلى فى بحر الافكار
لا لاقى لقلبك مراسى ------- ولا ليلى طالع له نهار
لما طار برجين من راسى --- ودليلى فى هواك محتار
ازاى ممكن تكون قاسى ---------- هو فى ملاك غدار
يملك روحى واحساسى ------ ويرميهم فى هلاك النار
جفيت الود بناسى ------------- واخترتك حياه و دار
مليت بالشهد كاسى ------------- و صدك خلاه مرار
هديت جبال رواسى ---------- وقلبك بنى الجفا اسوار
قلبى فى ذلى يقاسى ------------ وبرضه لظلمك غفار
يفضل فى عقلى يواسىي ------ يقول له حظك اللى جار
والاقيه لظلمك ناسى -------------- همه يخلقلك اعذار
غلطنى وكذب احساسى --------- ونصفك وظلم الاقدار
ساب لى نار فى حواسى ----- قال نصيب غلب واختار
وراح نبضى مع انفاسى ----- بحبيب غاب عن الانظار
بقلم الشاعر: يوسف ونيس مجلع
ليست هناك تعليقات:
إرسال تعليق