الخوف
الشاعرة : منال السويفي .
الخوف ملينا
داخل قلوبنا
على باب بيوتنا
مستنينا
معشش جوانا
دايما معانا
شيلينة جوة جيوبنا
داخل فى كل حياتنا
الخوف
نسأل ؟
طب لية؟
ومن اية؟
لمابتنزل الصبحية رايح شغلك
قايم مبسوط ولا شىء همك
تلاقية قدامك ومقابلك
خايف
من شىء مش عارفة
شىء جواك مش شايفة
تجرى وتمد
بتحاول تهرب
وهو ليك بيشد
ومن عقلك بيقرب
تلاقية داخل جواك
غصب عنك
وانت مش مالك امرك
الخوف
الخوف من دلوقتى ومن بكرة
الخوف من اى حاجة ومن اى فكرة
الخوف ......الخوف
مزروع جوانا
وفي ارضينا
مهما رفضنا واللا رضينا
غرقانين جوة الخوف
حبسنا جواه
ولو قلنا اه
منة ياما هنشوف
(شاعرة الاحلام )
بقلم الشاعرة : منال السويفى
ليست هناك تعليقات:
إرسال تعليق