من غير كلام
-
انا مش زعلان
انا مش تعبان
مشربش الخمرة
وإزاي سكران
انا مش مخنوق
مش عايز افوق
فرحان 100 مرة
انا طاير فوق
ايوه انا مرتاح
وحياتي نجاح
وعيوني شاطرة
الدمع اهو راح
انا كده مظبوط
ايوه كده مبسوت
الاه لو مطرة
معايا زعبوط
انا راحتي براسي
مش بعرف اقاسي
دا انا كل فترة
بجدد إحساسي
وانا مني مفيش
دانا مابيوجعنيش
ضمة زي كسرة
انا مابيهمنيش
مين قال ياحزين
بتقولها لمين
خد حبة فرحة
شوف بتكلم مين
انا فرحان سعيد
ده اسمي الجديد
والشهره بره
فرحان الشديد
من شدة فرحي
تحتار ف ملامحي
وماتهونش العشرة
على لوني القمحي
انا زي الفل
محبوب م الكل
تخضر الصحرا
انا لما اطل
ومفيش اوجاع
ومنيش بتباع
وبحل الشفرة
مابشوفش خداع
وفي احلى حياه
انا عايش اه
بمشاعر حره
واللي بتمناه
علطول بيجيني
وبحب سنيني
وابصم بالعشرة
ماهتبكي يا عيني
انا ماشي سلام
لو اغيب ايام
راح تبقى ذكرى
من غير كلام
بقلم الشاعر : احمد صبري
ليست هناك تعليقات:
إرسال تعليق