كان أولى بيهم
كان أولي بيهم
يعتذروا ويبدوا الندم
كان واجب عليهم
يقولوا حاضر قبل نعم
الإعتراف بالحق فضيلة
ودول الحيا عندهم انعدم
مبيعترفوش بغلط
عندهم كبر وللا معصومين
هوا وحى عليهم هبط
بعد المرسلين
ركبوا دماغهم
والعند ليهم لزم
كان أولي بيهم
يعتذروا ويبدو الندم
كان واجب عليهم
يقولوا حاضر قبل نعم
كان أولي بيهم
يعترفوا بالفشل
الشعب رافض ليهم
والتنظيم هوا اللي خزل
همهم أخونة البلد
واتفرغوا للجدل
عشمونا بالنهضة وبالكباب
وكله طلع وهم وسراب
كل الناس لفظتهم
معندهمش حمرة من حجل
جايين يجربوا فينا
وكله كان غشم فى غشم
كان أولي بيهم
يعتذروا ويبدو الندم
كان واجب عليهم حاضر
يقولوا حاضر قبل نعم
كان أولي بيهم
يتوبوا ويبدو الاسف
م العنف اللى ماليهم
والدم اللى نزف
وللا الحرق والتخريب
وشوف كام برج اتنسف
وليهم سابقة تاريخية
لما حاصروا الدستورية
ناس دماها باردة
وكل بهتهم انكشف
إللى يحج ليهم فى رابعة
تغنية عن حج الحرم
كان أولي بيهم
يعتذروا ويبدو الندم
كان واجب عليهم
يقولوا حاضر قبل نعم
كان أحرى بيهم
يبطلوا تضليل ونصب
لاكن الشيطان غاويهم
يرموا الناس بالكدب
إللى بيته من إزاز
ويحدف الناس
أعمى من غير عكاز
يخاف من ضله ينداس
لكن اخوان الغل
بلده ومعدومى إحساس
ربنا مش هاديهم
وقلبهم إسود وعتم
كان أولي بيهم
يعتذروا ويبدو الندم
كان واجب عليهم
يقولوا حاضر قبل نعم
بقلم الشاعر : محمد نايل
البحيرة/مصر
ليست هناك تعليقات:
إرسال تعليق