بحـــــــــــــــــــــبك
الشاعر : عبدالله موسى
فى أول كلامى دايما بقولها
ويحمر وشى إن جابوا سيرتك
وغيرتى عليكى ماابقاش طايقها
ويشتد غضبى أن حد مسك
وأقول من تانى واكرر واعيدها
بحبك بحبك بحبك بحبك
بحبك بدون اى سابق كلام
بحبك ودايب فيكى غرام
برغم عنادك وقسوة قلبك
وتركك مشاعرى بدون اهتمام
برغم جفاءك ليا وهجرك
برغم وصولنا ساعات للخصام
بحبك وجوا فى القلب شايلك
وقبل أما اصالحك ما اقدرش انام
وااكد كلامى واهمس فى ودنك
بحبك بحبك بحبك بحبك
بحبك ولا يوم ها أنكر وجودها
بحبك وانتى حياتى وباقولها
برغم المتاهة اللى فيها وحيرتى
أتمنى اقول لك كلام أحلى منها
وادور وافتش مانش لاقى غيرها
فى نفسى وعشانك اغير حروفها
وأقول لك يا غاليه كلام أحلى منها
اقول لك كلمه ما حدش سمعها
تكون ليكى أنتى وانتى لواحدك
لسانى نطقها وقلبى اخترعها
وابحث وادور
ولكن
ولكن
مانش لاقى غيرها
وتنطق شفايفى باحلاها كلمه
بحبك بحبك بحبك بحبك
ومهما أكرر فيها واعيدها
حاسس أن مش ها تكفى اللى فيا
وابحث وادور مانش لاقى غيرها
وأكد غرامى تانى واقولها
بحبك بحبك بحبك بحبك
عشره حداشر والف وميه
أعد بصوابعى واعد بايديا
بحبك بحبك بحبك بحبك
وتتعب ايديا أعد بعنيا
بحبك بحبك بحبك بحبك
يا نبضى اللى سارى ودم الخلية
بحبك بحبك بحبك بحبك
ومهما ح أفضل أكرر واقولها
ماهش ها تكفى برضه اللى فيا
بحبك
بحبك
بحبك بحبك
بقلم الشاعر : عبد الله موسى
ليست هناك تعليقات:
إرسال تعليق