(فين العـَزم)
فين العـَـزم وفين الهـِـمـَّـه
وانت َ بعيد عن نور الله
إخلع عنـّك توب الضـَلمه
وادعى إلهك كـُـل صلاه
قبل ماتيجى ف يوم الطـَامـَّـه
مالناش غيره جـَلَّ عـُلاه
يوم ما الإبن هيهرب منـّـك
لاجل يلاقى ف آخره نجاه
حتـّـى الزوجه ماتسأل عنـّـك
مهما ان كان بينكم مـُناجاه
إسمك وارد ضـِـمن الأ ُمـّـه
حَـتَّـى ان كنت ف أىّ فلاه
إرجع ربـَّـك يغفر ذنبك
هوّ الغافر تحت سماه
سيدك نـَـبـَّـأ لاجل ماتعرف
يوم الصاخـَّـه ف قلب قـَضاه
إنت ف رحله بأرض الدنيا
إرحـَم تـُـرحـَـم تلقى نجاه
صلّ وسلّم كده على سيدك
قال لك إعدِل تلقى حياه
إنت حبيبه وهوّ حبيبك
خللى يكون بينكم مـُناجاه
إوعى يغـُـرّك زهر الدنيا
أصلها ذرّه ف قلب فـَـلاه
محسوب عـُمرك ساعه وثانيه
بعدها قبر ودوده مـَـلاه
وهتتحاسب على أفعالك
ركـِّـز لاجل ماتلقى نجاه
سـَـبـَّـح كـَـبـَّـر الله أكبر
من سـُـلطانك تحت سماه
من سـُلطانك تحت سماه
بقلم الشاعر: يحيي المصرى
ليست هناك تعليقات:
إرسال تعليق