رمضان الذكريات
شعر / زينب سالم
كل سنة يا شهر الخير
نعيش بالهنا و البركة كتير
اقول مشتاقة لرمضان طفولتي
بفانوسي ألعب فرحانة باطير
الشمعة جواه منورة المكان
كمان اصحابي معاهم صفافير
نغني رمضان جانا و ناسيين
ان دنيتنا بس وقتها كانت
بضفايرنا و ضحكتنا فرحانين
لكن فرحتنا كمان راحت
هناك لما كما صغيرين
كبرنا خلاص و الضحكة ماتت
فضلنا نبص عالفوانيس
بايدين ولادنا و نسرح بعيد
فرحتنا كانت أجمل اكيد
مع ان فوانيسنا كانت صفيح
لكن فرحنا بيكفي و يزيد
يا قلب يا صغير فينك
ليه هنا لوحدك وحيد
يا دنيا نسياكي هناك
عند بيتنا ورا شباك حديد
مسحراتي يندهلي افرح
بعدها انام و قلبي سعيد
بقلمي : زينب سالم
2016/6/9
ليست هناك تعليقات:
إرسال تعليق