علي فين بقلم امل عبد الله
علي فين يا دنيا وخدانا ورايحة بينا
ليه بتدوخي فينا ارحمينا
مش كفايه توب حزنك اللي بيه لفتينا
وكل من نحاول نفكه نلقيكي بيه بتكفنينا
تعبنا خلاص من قسوتك طالت ليالينا
لا لقينا دفا واخلاص ولا بحنانك اتغطينا
علي فين وخدانا يا دنيا ورايحة بينا
تعبنا منك ومن قساوتك
كرهت غدرك مليت خيانتك
كرهت طبع البشر ليلك والسهر
حتي الابتسام والكلام معدش مكتوب لينا
علي فين وخدانا يا دنيا ورايحة بينا
نفسي الاقي كلمة حلوة طيبة
الاقي قلب يحب من غير تمن
يشيل همومي يحميني من غدر الزمن
والله تعبت ومش قادرة احتمل
ولا حتي عندي طاقة بيكي انشغل
حتي شعر مش هعرف اكتب خلاص
كفاية اوي كده سلام يا دنيا خلص الكلام#امل عبدالله
ليست هناك تعليقات:
إرسال تعليق