(مصر يا ام الضحكة خايفة)
مصر يا ام الضحكة خايفة
و الدموع فى عنيكى سيف
نصله حامى فى قلب عاشقك
قلب بغرامك نضيف
حلمة فيكى توب مفصل
وردة حمرا و وردة بيضا
و السواد اللى فى جفونك
باح لى .. قال انك مريضة
يا حبيبتى .. هتبقى حلوة
بكره يا زينة الصبايا
و ارسمك ع الشمس ضحكة
و اكتبك للكون حكاية
بس همى و مدى ايدك
و امسكى الايد اللى عاشقة
اللى بتطبطب عليكى
و تترفع بالدعوة صادقة
احضنى بجد فى ولادك
و اسمعيهم .. دول صفاكى
اللى فى عروقهم بيجرى
دم طاهر .. فيه دواكى
بيناموبك فى الليالى
فوق ترابك عشمانين
ترجعى جادلة الضفاير
طرحتك زاينة الجبين
و النهار يطلع عليكى
بسمته تبدد عذابك
نظرتك تشفى المواجع
اللى ساكنة ف روح صحابك
صدقينى يا حب لسه
انتى بينا هتبقى جنة
زى ما اتعلمنا ... نعمة
فوق بساط الكون عشانا
فهمى على
ليست هناك تعليقات:
إرسال تعليق