شعر العامية
احبك يابلدى
أحبك يابلدي ولو حتى .... ماحبتنيش
أحبك ولو حرمتيني رغيف ... العيش
أحبك ولو انتِ ما.... فكرتيش
وبعتي كل أحلامي وقلتي.... مافيش
وكفايه يابلدي إني فيكي.... أعيش
ومين غيرك يضايفني... مايطردنيش
أحبك يابلدي حب كبير
ومش قادر على بعدك وأنا... فيكي
ومش طايل أغنيلك.... واشجيكي
ومش لاقي كلام اغزله... ليكي
ومش فاهم ليه الناس تعيب... فيكي
احبك يابلدى ونفسى ااقول
أقول للناس اللي عايشين على... ترابك
ياكلوا خيرك ويؤذوا كل.... أحبابك
يبعثروا فيكي يمين.... وشمال
ويبعوكي حته حته ب....المكيال
حاسبوا وقفوا..... عندكم
وحافظوا شويه على... أرضكم
بقلم / عصام سعد زغلول
ليست هناك تعليقات:
إرسال تعليق