** نفسى **
و اما شمسك تبقى طلة
و ابتسامتك حلوة هلة
طارحة حب و طارحة ضلة
عشقى بيقربنى ليكى
و ابقى شايفك كون بحاله
السما بتحسد جماله
قلبى يلقى جواب سؤاله
ربنا فى علاه حاميكى
احضنك .. و انسى القسية
و اغسلك بدموع عنيا
ما انتى عارفة يا بهية
ان انا فى الدنيا بيكى
ايوا ... و حياتك باغير
اصلى عاشقك .. و بضمير
خوفت منك اه كتير
بس بردو باخاف عليكى
اسوا ايه فى الكون بدونك
و اعرف ازاى يوم اخونك
روحى زهرة فوق غصونك
من زمان و انا نفسى اكونك
كحلة زاينة رموش عنيكى
نفسى احس دفاكى مرة
و انتى فايقة و انتى حرة
و ابدل الحزن بمسرة
و م الوجع روحى تداويكى
فهمى على
ليست هناك تعليقات:
إرسال تعليق