شروق وغروب
يا حزن مالك ومالى
ملازمنى ليه طول الليالى
نفسى مرة أشوف الفرح
وأعيش معاه ولو كان خيالى
كفاية بقى وبطل جروح
والفرح ليه مش مسموح ؟
انت وحدك يا رب عالم
بقلبى الحزين عايش مجروح
جرح وأسى وحرمان
وغدر وعذاب ألوان
تعبت من كتر الألام
ومن غدر الحبيب يا زمان
أدينى عايش وأيام تمر
مبقتش عارف خير من شر
والدنيا فيا تجرح وتظلم
ولا حتى بسمع خبر يسر
عايش جوة دوامة
وبنشوف العذاب ياما
من كتر العذاب والهم
نسيت شكل الابتسامة
حرام يا دنيا ولا حلال
انى أعيش مرتاح البال
لو حتى ساعة من حياتى
دى أحزانى تساوى جبال
لما تبقى حياتى هموم
ولما أعيش اعد النجوم
بكره الأيام هتحكم علينا
مين ظالم ومين مظلوم
نفسى ألاقى سكة هروب
وازاى ههرب من المكتوب
محدش فى الزمان ده بيرحم
وعايش بين شروق وغروب
شاعر الضحك والدموع
أحمد عامر الشريف
ليست هناك تعليقات:
إرسال تعليق