إلى عشاق ملك الزجل...أمير العامية...الجهبذ العملاق الأستاذ
بيرم التونسى .
المولود فى يوم٣مارس عام١٨٩٣م.
أهديكم قصيدة من ديوانى الثالث
المعنون.
{من بيرم التونسى إلى الشاعر أبو خربوش}
(بحر وتفعيلة العملاق)
مستفعلن فعلن فعلن
فعلن فعلن
مستفعلن فعلن فعلن
فعلن فعلن
مستفعلن فعلن فعلن
فعلن فعلن
مستفعلن فعلن فعلن
فعلن فعلان
دا بـحــر بـيــرم إخـتــرعــُه
أصله وفرعُه
ومهما فيه شعراء برعوا
لُـه كله مُدان
دا بحر محظى بإعجابُه
خاص بجنابُه
ولا الـخـليـل أحـمد جـابُه
ولا فى الأوزان
إنــتــاج أمـــيـــر الـعـامــيـــه
مــيَّــه الـمــيــَّه
واضح مافيش فيه تعميَّه
ولا فيه عوجان
كلام فى نقد ماهوش منسى
ويَّا رومانسى
م هـــوَّ ده بــيـــرم الــتــونــسى
أجمل إنسان
مـثـال لـبـحـرُه شــارح أصـلُه
وصلُه وفصلُه
عشان معاه شُعرا يواصلوا
من غير توهان
{من قبل مااكتب أناعارف
القول ضايع
والأجــر بـالتــأكــيـد ذاهــب
حسب الشايع
والـشـتـم ح يـجـــيـنى مـسـوجـر
من واد صايع
مـهـما أنـكويــت بالــنار والـزيـت
برضك فنان}(١)
مستفعلن فعلن فعلن
فعلن فعلن
مستفعلن فعلن فعلن
فعلن فعلان
دا الـبــحـر نُص التفعيـله
سهله جميله
لاقْصيَّره ولاهِى طويله
غاية الروقان
دا شعرنا العربى جذورُه
مـَد عـصـوره
وبس مش دسته بحوره
فيه تِلت كمان
بحرين بحالهم هاملينهم
مش واخدينهم
قال الأصيـل بـيـرم فـيـنهـم
دا شهود عيان
عـمــل لُــهْ بـحــرُه الـمـتـمـيـز
دقَّــق مَــيِّــز
فى عـقـولـنـا لُه أكـبـر حـيِّـز
وبلا استئذان
بيرم كتب فُصحى وعاميِّ
نَوعى وكَمِّى
ع الوزن ده برضه ياعمِّى
فَرْح وأشجان
ع الـوزن ده بــيـــرم أودع
بحرُه وأبدع
وجنبُه كان يطلع أجــدع
شاعــر غـلبان
مـثال يوضَّح لينا بَحْرُه
منبع سِحرُه
ومِــنـُّه كــان يــدخل جُـحــرُه
مُدَّعى خَرْفَان
{هوليوود وانا هنا فى بلادى
بالسينمادى
خــــربـــتــــى بـــيـــتـــى وأولادى
طلعُم صايعين}(٢)
الدكتور/خالدعبدالحميدخربوش
مابين الأقواس (١)(،(٢). من أعمال
العملاق بيرم التونسى .
إستعنت بهم للتوضيح .
ليست هناك تعليقات:
إرسال تعليق