(صعب عليا الحبايب)
صعب عليا الحبايب/ اللى نسيوا الحنيه
وشفت العذاب فى القلوب/ دمعت عينيه
قلت هداوى القلوب/ م الرحمه فى النيه
وليه القلوب تفارق/ يظهر قلوب غبيه
سالت ايه السبب /عشان اوصل للمداويه
لقيت قلوب خدها الشيطان/ ضمها بحنيه
وقلوب غاويه العصيان/ غاويه الاسيه
وقلوب ندها الزمان/ فى غربتها مستنيه
وقلب لقلب خان/ ودور على الرفاهيه
وقلب مفهوش مكان/ فيه من العشاق ميه
وقلب بالحنان مليان/ بس الحبيبه مفتريه
وقلب عشق الجحود/ مرصود بحب الانانيه
وقلب تاه فى طريق مسدود/ مفكرش بعقليه
وقلب جرى ورا نزواته /عشق ديه وترك ديه
وقلب حريف فى الكلام/ غاوى بلاغه و ملاغيه
يضحك على الغرام بكلام/ ولاعنده للحب نيه
وقلب يخطف قلب من الحب/ ولاعنده له اهميه
وقلوب تضحك على قلوب/ فى السر والعلانيه
وقلوب تتنكر لنعمه ربها/ وترفض اغلى هديه
لقيت الجروح كتيره/ ودواها جمعته فى ايديه
امسك كاس الاخلاص/ واسقى كل قلب شويه
طهارة القلوب علاج/ اساس النجاح لكل امنيه
وابوقلب طاهر يكون قادر/ يمشى فوق الميه
ياكل قلب /نعمه الحب/ لوراحت تانى/ مش جايه
وحيد احمد
ليست هناك تعليقات:
إرسال تعليق