(العملاق بيرم التونسى )
قبل ألـف وتـــســعـــمــيـَّــه
وبسبع سنوات حسام
كان تلاته شهر مــارس
يـوم تلات تحديد كلام
إتــــولــد للشـــعــر مــارد
فى المكانه وفى المقام
عـاش فى حضن إسكندريه
بحرهــافى مــشــاعره عام
الزجل بقى لُه أُصُولُه
فــــن أصـــبـــــح لــُــه عـــَـلَام
عنُّه"شوقى"(١)قال وأكِّد
وبــكلام جــاى بانـسـجـام
اللــُّغــه خـايـف عـلـيها
مــن كــلام بـيـــرم الـهـُمَـام
قال"عميد أدب العروبه"(٢)
شِـعرُه بـيـه وصـل المـرام
إنجذب مع شِعرُه جدًا
والكــريــم بـقـى لايَُـضَـــام
واصفـُه"عقَّادنا"(٣)بـإنـــه
عبـــقــرى الجـيـل والأنـــام
كان بسيط فى حياته عُمرُه
مــا حـسـبـهـا وقــال بــكـام
إدَّى فـــنُّــــه كــُل جُــهــــدُه
فــــَنَُّــــه إدَّى له إحـــــتـــرام
الظروف الصعبه عاشها
عـــنـــده بــتـــعــدى بـسـلام
هوَّ مـُصــلِح إجَـتـــمـــاعى
هـــوَّ ثــائـــر -ع الـــنـــظـــــام
هوَّ نـهـضه وقيمه ثارت
فى مــواجــهــة الانقـســـام
عاش حياته يشِن حربُه
ع الــفـســـــاد والإنـــهـــــــزام
مَوْلِدُه والنشأه مصرى
هـــوَّ نـــبــــــع الإبـــتــــســـــــــام
البـلد الأصــلى تونـــس
حـَطـــَّهــا فى الإهـــتـــمــــــام
جـيـنـا ألـف وتـسـعـميَّه
بــعــــد عــام ســتـيـن بــعـــام
يوم أحد وافق ينـايــر
خــمـســــه مـنُّـــه بالـتــمـــــام
الزجل راح عنُّه عرشُه
مــــات مــلــيــكُـــه يـاكـــــرام
مات ورغم الموت ياساده
شِعرُه عاش بعديـه ودام
هوَّ ده بـــيــــــرم بـــشِـــــعــرُه
اللى مـــفــــهـــــوم للعــــــوام
قال"مشرّفه"(٤)عنُّه يشبه
شـــكســبـيـروشــيللرتــمـــام
هُمَّا فى الأدب الأوروبى
أعــظـــم الـشُــعرا العـظـــام
أمَّــا انا شــايفُـه ياســاده
للأدب مِــــســــــك الــخــتــام
(١)أميرالشعراء:أحمدشوقى بك.
(٢)عميدالأدب العربى الدكتور/
طه حسين.
(٣)الشاعر الأديب/
عباس محمود العقاد.
عالِم الذرَّره المصرى الشهيد/
مصطفى مشرَّفه.
الدكتور/خالدعبدالحميدخربوش
ليست هناك تعليقات:
إرسال تعليق