(( توهان ))
----------
م الثانوية للكلية دي اغية قالوها زمان !!
انا دلوقتي بقول من حيرتي م الثانوية للتوهان
لو جايب ٩٠ ٪ دور يابني في كل مكان
وابقي قابلني لما تلاقي جامعة تحترم الانسان
ان لاقيتها تاخد شهادتها تتعلق وفي اي مكان
أو ترميها في درج المكتب وتجري تفتح لك دكان
ابو عشرين تبيعه بعشرة وصدقني انت الكسبان !!
يجي زبون ويجيب التاني ،وتصبح راجل م الأعيان
واحنا بنتمشي في طريقنا شوفنا عليل طالب احسان
وملامحه بتشبه ملامحنا .بصوا ياناس ..دا عزيز سلطات !!!
عزيز كان واحد دفعتنا ... والاول ع الدفعة كمان !!!
مالك يابني ؟ ايه اللي جرا لك ؟ وايه الي خلي عزك هان ؟
عزيز
لما طلعت الاول قالوا انت اكيد معانا معيد
محجوزلك في الجامعة مكان
من يومها مجهز اوراقي ولاممهم في دوسيه مليان...
ماشي أدور علي كليه او معهد يقبل اذهان..
وأبو مقبول ! ابن الدكتور ! اتعين في الجامعه كمان!!
بص ياصاحبي . لِسَّه بدري . لما يكون لي في بلدي مكان..
انا قررت اسافر دوله .. بتقدر عقل الانسان...
يقعد جنب دوسيه اوراقي .. وأغني ( توهان توهان )
------------------------------------------------
بقلم الشاعرة سلوي عبد الفتاح نصرالدين
ليست هناك تعليقات:
إرسال تعليق