يارب ع الطاعه والهدى قوينى
طمعان فى رحمتك اخد كتابى بيمينى
متأكد من خكمتك خبرنى بها دينى
أن الجنه برحمتك مش بطاعه سنينى
وانا فى رحمتك طمعان من النار تنجينى
كفه الميزان عرض السما والارض
ماعرفش املاها لو اديت مليار فرض
لكن عندك ماتوهبه زنه السما والارض
ليله القدر لو تزورنى ترضينى
يارب بحق رحمتك وشفاعه رسولى
عشمان بالغفران وفى الجنه دخولى
بحق من وعدته بالشفاعه اجعل وصولى
لحوضه برضاك ومن ايده تسقينى
يارب انت اعلم بقلبى وميولى
انا للايمان قريب بعرضى وبطولى
واملى فى غقران الذنوب والاستغفار قولى
انا عشمان فى رحمتك وعارفها هتجينى
يارب شرفتنى اكون لك عابد
وكفايه خلقتنى لاجل اكونلك ساجد
ده شرف مابعده شرف أعبد اله واحد
بحق انك الهى برحمتك غطينى
ليست هناك تعليقات:
إرسال تعليق