قصيدة زهرة فى بستان
صفحة جديدة وأول السطر
وننسى بقى مر الزمان
من غير جرح ولا حتى غدر
حكاية حب وكان يا مكان
تعبت اديا وخلصت حبر
وصورة حبيبى زهرة فى بستان
يمامة طايرة بين الغصون
وسمعت منها أجمل كلام
وبضحكة منها كله يهون
كان فين زمانك يا غرام
ولا عمره فكر انه يخون
شبه الملايكة فى المنام
نظرة عيونه تسوى الحياه
والبعد عنه غربة وهلاك
وهقضى عمرى كله معاه
شوف لما تبقى حابب ملاك
ولما تبقى انت مناه
عمره ما يكسر أبدا رضاك
ممكن تقولو قيس وليلى
أو حتى ممكن عنتر وعبله
بس الاجابة واضحة وسهلة
أخيرا قلبى حب وعشقت
وغلبنا حتى روميو وجوليت
قصة غرام ومنها عرفت
معنى كلمة حب وهوى
وهمسة حنين أغلى حبيب
وكلامه ليا أجمل دوى
ونظرة عنيه لقلبى طبيب
وانا كل حلمى نفضل سوى
وعمرك يا قلبى عنى تغيب
ده انا قلبى دايب يا حبيبى دوب
ومشيت عشانك ألف مشوار
وسلكت ليك كل الدروب
مبقتش أحسب ليل من نهار
وبكلمة منه تسحر قلوب
وعقلى بحبه دايما محتار
طايرين سوى فوق السحاب
وحكايتنا لكل العشاق
كتبت فى عنيه ألف جواب
ومنعرفش كلمة فراق
ذكرنا الهوى بين الأحباب
وبينى وبينه ألف اتفاق
شاعر الضحك والدموع
أحمد عامر الشريف
ليست هناك تعليقات:
إرسال تعليق