(أم الشهيد)
شهيدنا يا فخر الجندية
ياأبو الدماء عطرة وذكية
فتحت لإبنك باب الحرية
وأمك مش محتاجة تعزية
أم الشهيد بتتنسم
روايح جنة وخلود
شافت بطلنا بيتبسم
وهو بروحه بيجود
لما ضحي وكان
عن أرضه وعرضه بيزود
مهو إبنك رمز التضحية
شهيدنا يا فخر الجندية
ياأبو الدماء عطرة وذكية
فتحت لإبنك باب الحرية
الشهيد لا يموت
ولعمره مش بيفوت
دا حى عند ربه
وف أعلى البيوت
تعرف إن كل شهيد
يتمنى يموت مرتين
وإن أم كل شهيد
تتمنى تعيش عمرين
تقدم فى كل عمر
من ولادها شهيدين
قبلة على جبينه
وعلى قبره أذكى الورود
أم الشهيد بتتنسم
روايح جنة وخلود
شافت بطلنا بيتبسم
وهو بروحه بيجود
لما ضحي وكان
عشان أرضه وعرضه بيزود
أخونا ياللى هناك
ع الجبههه وقلوبنا معاك
دا مصر بتستناك
تجيب النصر وتاخد
بحق أخوك إللى فداك
دا أخوك مش غايب
لأ حاضر عشان شهيد
حتفرح قلب الحبايب
وتحقق حلمه إحلف
إحلف وربك شهيد
أم الشهيد
بتشوف إبنها فيك
طول مابترابط
والعزم مليك
مهو إنت وإخوانك
رمز الصمود
أم الشهيد بتتنسم
روايح جنة وخلود
شافت بطلنا بيتبسم
وهو بروحه بيجود
لما ضحي وكان
عن أرضه وعرضه بيزود
خيرة الجنود ياولادنا
خيرة الجنود
ثقتنا فيكم أبطالنا
ملهاش حدود
على خط النار فرسانا
صقور وأسود
بيرضوا المولى
ويأدوا كل الفروض
بايعوا ع الشهادة
أو النصر
والريادة لجيشنا
والعزة لمصر
حالفين للحق يعود
أم الشهيد بتتنسم
روايح جنة وخلود
شافت بطلنا بيتبسم
وهو بروحه بيجود
لما ضحي وكان
عن أرضه وعرضه بيزود
مهو إبنك رمز التضحية
شهيدنا يا فخر الجندية
ياأبو الدماء عطرة وذكية
فتحت لإبنك باب الحرية
محمد نايل
البحيرة /مصر
ليست هناك تعليقات:
إرسال تعليق