✌
✌
(يا عمدة مصر)
✌✌
✌
يا عمدة مصر يا حامينا
إسمعنى أنا مواطن غلبان
إحنا إللى عمرنا ما دفينا
فحضن بهيه أم الأوطان
وياريت ما تزعل منينا
لما أقولك عاملنى كإنسان
والله سيادتك إحنا عانينا
شوية عطف وحبه حنان
مطحونين من يوم مينا
ومن قبله بسنين كمان
من الجوع حضرتك إتفنينا
أروح مستشفى أرجع تعبان
والمرض ياخى عشش فينا
مفيناش سليم كله عيان
وفيه كام طريق كدا نواحينا
عايزه الرصف بقالها ذمان
إركب مواصله تعاله علينا
هتشوف شقى اشكال ألوان
بالعافيه بنزرع اراضينا
عشان السماد فيها نقصان
غاليه الكهربا والميه علينا
وهيا أوضه أربع جدران
وسباته ولحاف مالمطرحامينا
وسرير مكسور ملوش أمان
وتموينك بيخبوه علينا
وفاكرينا ياعمده ناس عميان
هنسيب ده كلة ما علينا
هتفتكرنا ولا إنكتب النسيان
✌✌
بقلمى / وائل البارودى
ليست هناك تعليقات:
إرسال تعليق