وش الورقة
على وش الورقة السهرانة
فوق شجر الفجر السواح
رسمت لحبيبتى حكايا
ماليانة سعادة وافراح
تسقيها الحب وترويها
تطرح لك ريحة التفاح
والليل السارح بجمالة
بيفرد للعمر براح
ونجم السما المتدلع
ف قلب العتمة ومولع
بيزرع للفجر صباح
تحت القمراية النعسانة
ف كف الغصن الملفوف
عيونها نجمة حيرانة
سرحانة وساكنها الخوف
تقابلنى خايفة وفرحانة
ف طريق الفرح المرصوف
بتنام الوردة وتتمايل
وبترسم ع الارض حروف
ونسيم الفجر بيحايل
ف قلوب الأغصان ويطوف
بيغنى لرحلة ايامى
ويبات ف قلبى الملهوف
الشاعر/ خالد أمين
ليست هناك تعليقات:
إرسال تعليق