(حبيبى دكتور)
بكل رقة وكل سرور حبيبى شغلته كده دكتور
وعيادته حلوة وفيها براح أصله صحيح دكتور جراح
يستاصل الزايدة شوية بكل حب وحنية
لوز فى زور مع لحمية والاجرة تغلى كده شوية
والكلية سبوبة وطنية يشيل ويزرع يا عنيا
والعفشة كبدة مع قوانص وقلوب كلاوى مزروعة خالص
بمشرطه مع سكينة يشيل ويزرع فى جنينة
واللى يفاصله فى المعلوم ينفخ فى كرشه مع القولون
أصله يحب النقدية ويبنى فى عش الزوجية
تقل من دفعك فى فلوس يرفع فى ضغطك بالمحسوس
أبو بالطو ابيض يا جماعة فى ايده فرخة وسماعة
يسمع فى دقات قلبى تمام ويحسبها فى فاتورة بعنوان
وعشقه مزروع حواليا بابرة وخيوط عملية
يخش قلبى باستمرار يزرع محبة وكيلو خيار
وهواه بيعشق كده روحى ظ ويخف عقلى وجروحى
يدينى إبرة حنية وحبوب مشاعر ملاغية
تسرى فى دمى ووريدى وتزيد فى نارى ولهيبى
يا ابو بالطو بالورد الأبيض وبقلب فلة وبرضه ابيض
لا استنى مرة كده فى الدور واقول حبيبى كده دكتور
ادفع فى عمرى كده فزيتا لفرح فى قلبى بالزيطة
والكشف دورى بمهارة بعلاج طبيعى واستشارة
وياريت تعالج أمى وأبويا من اى أمراض بسهولة
وعمى وخالى بالمرة كمان من اى دوخة او توهان
دى عيلتنا مشهورة بالروقان وأمراض كتيرة اشكال والوان
يعن زباين او عملاء والدفع يبقى بأحلى دعاء
ياحليوة حبك هناء وسرور دايما بأحبك يا دكتور
امتى نتمم الأفراح وتزور عيلتنا يا جراح.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
ليست هناك تعليقات:
إرسال تعليق