(يا اما بنادي عليكي)
يا اما بنادي عليكي
ردي عليا سؤالي
قلبي بيطلب رضاكي
عيني بتبكي ليالي
ودني مشتاقة لصوتك
أيدي بتشاور تعالي
نفسي تاخديني في حضنك
بيكي تتحقق امالي
تعالي وعاتبيني
علي غلطي ودليني
وع الصح شاوريلي
هوصله وساعديني
دا أنا قلبي حزين مجروح
لفراقك يا روح الروح
صاحبني البكا والنوح
واشتكت منهم عيوني
وعنيا مخاصمة النوم
وسكن القلب الهموم
ومنين هييجي النوم
وجرحي مبكيني
أنا عارفة اني زعلتك
بغلطي وغضبتك
لكن الغفور دا ربك
ووصاكي تسامحيني
واوعد بكل أمانة
ما اخلي الغلط جوانا
ويبعد وينسانا
وبحبك تراعيني
تعالي ومدي أيديكي
تشاوريلي واجري عليكي
مشتاقة لحناني اليكي
وفي صدرك تضميني
بقلم اميرة مجدي
ليست هناك تعليقات:
إرسال تعليق