( ما تغبيش عليا )*** بقلم الشاعر ...احمد صبرى

ماتغيبيش عليا
احمد صبري
-
ماتغيبيش عليا
ماتسيبيش الليلة دية
تفوت عليا
إلحقيني إجمعيني
لمي ايامي إللي جاية
ماتغيبيش عليا
ماتقوليش الصبر
صابر ع اللي فيا
إسمعيني إسعديني
لما تبقي بين إيديا
ماتغيبيش عليا
-
قصري عليا المشوار
عايزك حبيبتي معايا
حضنك يطفي النار
وشهد شفايفك هنايا
النوم من عيني طار
حسي بلوعة هوايا
قلبك بلاش يحتار
حبك سكن جوايا
-
بلاش بعدك يطول
انا وحدتي تعباني
بالعقل وبالاصول
مشتاقلك حضناني
انا بعشقك علطول
وهاحاوطك بحناني
انساكي مش معقول
ربي يخليكي عشاني
-
اخر كلامي مافيش
غيرك شاغلة بالي
والنوم بقى مايجيش
غير وانتي ف خيالي
انام اصحى اعيش
معاكي احلى ليالي
في كده ماتلاقيش
ماتغيبيش وتعالي
-
ماتغيبيش عليا
احمد صبري