(لون الندى)
يانسمه بتهدى تبوس القمر
وسط الشجر ترسم حياه
حكايات كنا نحسها
ونحبها موالها ----- أه
ف عنيكِ المح سكتى
تفرش طريقى وضحكتى
وأعيش حياه
يمر طيفك ف السما
نجوم جميله منغمه
واسرح معاه
صوتى بيعلا بالندا
يكتب امانى ف الفضا
يرسم عيون
ياحبيبتى مهما أتصورك
وارسم خيال يقدرك
مين انا اكون ؟
احب اعزف ع الوتر
لما اشوف لون المطر
فوق خدك حنون
ولما اشوف ضحك الندى
عدى بشعرك المدى
فجر الحياه هنا ابتدآ
مركب نجاه
الشاعر/ خالد أمين
ليست هناك تعليقات:
إرسال تعليق