(ايجبشيَن مان)
ايجبشيَن مان كان زمان
كان أقوى من الألمان
و دلوقتى سلطوا عليه
و شلوا دماغه و رجليه
و سجنوه فى سجن الهموم
و وعدوه يقعد ما يقوم
ايجبشيَن مان كان تاريخ
ما قضت عليه الصواريخ
و اللى قضى عليه حكامه
اجتمعوا و حكموا بإعدامه
الله يثبت أقدامه
و يهديه لروحه و إقدامه
ايجبشيَن مان كان لايف
و دلوقتى عايزينه ميت و خايف
ايجبشيَن مان كان لايف
و دلوقتى عايزينه ميت و خايف
ايجبشيَن مان كان حكاية
و دلوقتى أصبح مظلمة و شكاية
ايجبشيَن مان كان سلطان
و دلوقتى مالوش أوطان
عايش غريب بين اربع حيطان
صح و لا انا غلطان
محمد أبو المعاطى
ليست هناك تعليقات:
إرسال تعليق