( البى ازاز )
البى ازاز مابيتكسرش
داير زى البنور
فرحان دايما مايكشرش
ولافف داير مايدور
دايما بيحب وبيأدى
زى الأشجار لما تندى
مع اى اساوة بيعدى
ولا يتأثرش
مكشوف للعالم شفاف
وطراوة وجواه هفهاف
وتشوف فيه رشا وعفاف
جد حقيقى مابيهزرش
ع الحب يشد ويمد
ولا واضع للاحساس حد
وان زعل القيه يحتد
ويحلف انه مايسهرش
شغال بيحب على الكيف
ويرحب بسكون الضيف
وكريم ف الشتا وف الصيف
ما بيتعطلش
يعشق ويطير ف الأحلام
ويعيش وكأنه ف أفلام
وبطل اسطورى بأعلام
يحلم بالعرش
وعشان ما اصدش معاليه
تلاقينى اطاوعه واجاريه
واحبه وادلع فيه
بردو ما اسلمش
ديوان زهر الليك
الشاعر/ خالد امين
ليست هناك تعليقات:
إرسال تعليق